«oliy ta’lim vazirligi» tegli maqolalar
Yotoqxona uchun onlayn ariza javobi chiqmagan talabalar nima qilishi kerak?
Yotoqxonaga joylashish uchun onlayn ariza topshirgan OTMlarning ayrim 1-kurs talabalari uning javobini hanuz kutishmoqda. Oliy ta’lim vazirligi vakili ijtimoiy himoyaga muhtoj kontengent to‘liq qamrab olinishi uchun jarayon yana 1−2 kun davom etishini, so‘ngra boshqalarning arizalari ko‘rib chiqilishini bildirdi.
Toshkentda 50 mingga yaqin talabaning turar joyga ehtiyoji bor — Oliy ta’lim vazirligi
Oliy ta’lim vazirligi poytaxtda 48,9 ming talabaning turar joyga ehtiyoji mavjudligi, ular ijara shartlari asosida xususiy xonadonlarda yashayotganini ma’lum qildi. Shuningdek, yotoqxonadan joy berilmagan, poytaxtda uyi, yaqin qarindoshi bo‘lmagan va ijara uyi ham aniq bo‘lmagan 25 ming talaba bor.
Oliy ta’lim vazirligi talabalarni saylov huquqlari buzilgani haqida xabar berishga chaqirdi
Oliy ta’lim vazirligi universitetlar ma’muriyatlari talabalarni referendumda ovoz berishga majburlayotgani haqidagi xabarlarga munosabat bildirdi. Vazirlik talabalarni huquqlari buzilgan taqdirda, huquq-tartibot idoralariga murojaat qilishga chaqirdi.
Kamida 5 yil ish staji bor ayollarni OTMga imtihonsiz qabul qilish tartibi yo‘q — Oliy ta’lim vazirligi
Tarmoqlarda 5 yil ish stajiga ega bo‘lgan xotin-qizlar OTMga imtihonlarsiz qabul qilinishi haqida xabarlar tarqaldi. Oliy ta’lim vazirligi bunday tartib yo‘qligini, ish tajribasi bor ayollar ham imtihon topshirishi va ularga 500 ta bazaviy to‘lov-kontrakt asosidagi kvota ajratilishini bildirdi.
«Ta’lim tizimiga e’tibor berish kerak». Vazirlikning topshirig‘iga talabalar nima deydi?
Oliy ta’lim vaziri Ibrohim Abdurahmonov barcha talabalarni jinoyatchilikka moyil, yot g‘oyalar ta’siriga tushish arafasida va qoidalarga rioya etmaydigan kabi guruhlarga ajratish topshirig‘ini bergandi. Bu esa tarmoqlarda tanqidlarga sabab bo‘ldi. «Gazeta.uz» talabalar fikrini bilish uchun ularga mikrofon tutdi.
OTV talabalarni toifalarga ajratish topshirig‘iga izoh berdi
Oliy ta’lim vaziri Ibrohim Abdurahmonov talabalarni odobiga ko‘ra guruhlarga ajratish topshirig‘ini bergandi. Vazirlik buni «ma’naviy-moddiy muammolarni bartaraf etish, murabbiylar bilan do‘stlik muhitini yaratish» deya izohladi. Tartiblar OTMlarning ichki qoidalariga aloqador ekani aytildi.
Oliy ta’lim vaziri rektorlarga talabalarni odobiga ko‘ra guruhlarga ajratish topshirig‘ini bergani aytilmoqda
Oliy ta’lim vaziri Ibrohim Abdurahmonov barcha OTM rektorlariga talabalarni jinoyatchilikka moyil, yot g‘oyalar ta’siriga tushish arafasida va qoidalarga rioya etmaydigan kabi guruhlarga ajratish topshirig‘ini bergani aytilmoqda. «Shoshilinch» topshiriq ijrosi bo‘yicha ma’lumotlar 3 kunda yuborilishi so‘ralgan.
Oliy ta’lim vaziri ishsiz bitiruvchilari ko‘p bo‘lgan universitetlar yopilishini bildirdi. Munosabatlar
“Ishga joylashmagan bitiruvchilari ko‘p bo‘lgan nodavlat oliy o‘quv yurtlari sifatsiz ta’lim beruvchi muassasa sifatida tan olinadi va ularning faoliyati tugatilishi mumkin”, — dedi O‘zbekiston oliy ta’lim vaziri Ibrohim Abdurahmonov. Bayonot tarmoqlarda tanqidlarga sabab bo‘ldi. Vazirlik bunga javob qaytardi.
O‘zbekiston oliy ta’lim, fan va innovatsiyalar vazirining o‘rinbosarlari tayinlandi
Komiljon Karimov oliy ta’lim, fan va innovatsiyalar vazirining birinchi o‘rinbosari etib, Shahloxon Turdiqulova va Sarvarxon Buzrukxonov vazir o‘rinbosarlari etib tayinlandi. Olimjon To‘ychiyev va Majit Karimov esa vazirlik huzuridagi agentliklarga direktor bo‘ldi.
Magistraturaga kirolmaganlar uchun qo‘shimcha imkoniyat beriladi
Davlat OTMlarining magistraturasida qo‘shimcha to‘lov asosida o‘qish imkoniyati yaratildi. Qolaversa, qishki qabulda xorijiy tilni bilish darajasidan qat’i nazar sertifikati borlar hujjat topshirishi mumkin bo‘ladi.
«Tadbirkorlar bizga manfaati yo‘q deyishdi» — Oliy ta’lim vaziri xususiy sheriklikda yotoqxonalar qurish oqsagani haqida
Oliy ta’lim vaziri Abduqodir Toshqulov davlat-xususiy sheriklikda yotoqxonalar qurish nima sababdan oqsagani haqida gapirdi. Vazir tadbirkorlar yotoqxona qurishdan manfaat yo‘qligini va qurmasliklarini aytganini qayd etdi. Hozir esa talablar o‘zgarib, yotoqxonalar qurilayotganini ta’kidladi.
5 yil ish stajiga ega fuqarolarni OTMga tavsiya etish huquqiga ega tashkilotlar ro‘yxati tasdiqlandi
86 ta vazirlik va tashkilotlarga iqtisodiyot tarmoqlarida kamida 5 yil ishlagan fuqarolarni OTMlarga suhbat asosida kiritish uchun tavsiya qilish huquqi berilmoqda. Bunda abituriyent «superkontrakt» asosida o‘qiydi va ularni ro‘yxatga olish 8−22 avgust oralig‘ida DTM sayti orqali amalga oshiriladi.
Xorijdan va OTMlar o‘rtasida o‘qishni ko‘chirish uchun onlayn ariza qabul qilish boshlandi
2022/2023-o‘quv yili uchun xorijdan va O‘zbekistondagi OTMlar o‘rtasida o‘qishni ko‘chirish, qayta tiklash bo‘yicha arizalar 5 avgustgacha qabul qilinadi. Oliy ta’lim vazirligi arizalarni onlayn yuborish uchun ikkita platforma ishga tushirilganini ma’lum qildi.
2023 yilda yana 18 nafar davlat xizmatchisi Yaponiyaga o‘qishga yuboriladi
Oliy ta’lim vaziri Abduqodir Toshqulov Yaponiyaning O‘zbekistondagi elchisi bilan 2,76 mln dollarlik bitimni imzoladi. Unga ko‘ra, kelgusi yilda yana 18 nafar davlat xizmatchisi Yaponiyada magistratura va doktoranturada o‘qishga yuboriladi. Hozirda 35 kishi tahsil olmoqda.
O‘zbekiston davlat OTMlarida o‘qishni ko‘chirishning yangi tartibi belgilandi
Xorijdagi ta’lim muassasalaridan O‘zbekistondagi davlat OTMlarining mos va turdosh bo‘lmagan ta’lim yo‘nalishlariga o‘qishni ko‘chirish taqiqlandi. Talabalar turmush qurganda, davlat xodimining ish joyi boshqa hududga ko‘chirilganda uning turmush o‘rtog‘i yoki voyaga yetmagan farzandi o‘qishini ko‘chirishga ruxsat beriladi.
Oliy ta’lim vazirligida yangi vazir o‘rinbosari lavozimi joriy qilindi
Prezident Oliy ta’lim vazirligida yangi vazir o‘rinbosari lavozimi joriy qilingani va unga Buxoro shahar monomarkaz rahbari Sadoqat Siddiqova tayinlanganini ma’lum qildi. U kasb-hunar maktablari va texnikumlarni boshqarish hamda metodik ta’minlashga mas’ul bo‘ladi.
OTMga kirish imtiyozlari qayta ko‘rib chiqilishi kutilmoqda
OTMga o‘qishga kirish uchun berilgan imtiyozlar xatlovdan o‘tkazilib, ularning qat’iy ro‘yxati yagona hujjatda shakllantirilishi mumkin. Tegishli prezident qarori loyihasida ushbu imtiyozlarni umumiy kvotaga kiritmaslik to‘g‘risidagi qoidani o‘rnatish ham nazarda tutilgan. Shuningdek, o‘qishni ko‘chirish jarayoni raqamlashtirilishi mumkin.
Maktablarda qishki ta’til odatdagidek davom etadi
XTVning “Gazeta.uz"ga aniqlik kiritishicha, maktablarda qishki ta’til odatdagidek davom etadi, 11 yanvardan uchinchi chorak boshlanadi. Qishki ta’til uzaytirilishi faqat oliy va professional ta’lim muassasalari, akademik litsey talaba-o‘quvchilariga taalluqli.
O‘quv muassasidagi zo‘ravonlik haqida xabar berish uchun Telegram-bot ishga tushirildi
Oliy ta’lim vazirligi xodima va talaba qizlardan o‘quv muassasalarida sodir etilgan tegajog‘lik, tazyiq, zo‘ravonlik va turli nojo‘ya xatti-harakatlar tahdidiga uchraganligi haqida 1006 ishonch telefoniga yoki @himoya_otv_bot ga murojaat qilishni so‘ramoqda.
Talabalarning 25 oktabrdan ta’tilga chiqishi bo‘yicha xabar asossiz — Oliy ta’lim vazirligi
Oliy ta’lim vazirligi talabalarning 25 oktabrdan 3 haftalik ta’tilga chiqishi haqidagi xabarlarning asossizligini ta’kidlab, ularga ishonmaslikka chaqirdi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting